Президент Үкіметке коммуналдық инфрақұрылымды жаңғыртуды тапсырды

«Тарифті өсіруден түскен қаржы коммуналдық инфрақұрылымды жаңғыртуға, жаңа қуат көздерін іске қосып, жұмысшылардың жалақысын көтеруге бағытталуы қажет». Мемлекет басшысы Қасым-Жомарт Тоқаев Үкіметке осындай тапсырма жүктеді. Монополистердің міндеттерін мұқият нақтылап, қаржының тиімді жұмсалуын бақылау мақсатында цифрлық бақылау жүйесін енгізуді тапсырды. Бұдан бөлек, жанар-жағармайдан түскен қаражатты делдалдар мен алыпсатарлар иемденіп кетпес үшін оны жаңа мұнай-газ жобаларын жүзеге асыруға және мұнай өңдеу зауыттарын жаңғыртуға жұмсау керегін айтты. Тариф саясаты бойынша, Үкімет енді тауарлар мен қызметтерді реттейтін «тұтынудың әлеуметтік нормасын» енгізу мәселесін қарастыруы шарт.

Назым Қайратқызы