Халықаралық валюта қоры: Биыл әлемдік экономика өсімі баяулайды

Халықаралық валюта қорының болжамына сай биыл әлемдік экономика өсімі баяулайды. Бұл жайында қордың «Даму келешегі» туралы баяндамада айтылған. Оған сүйенсек, 2023 жылы ғаламдық жалпы ішкі өнімнің өсімі 2,8 пайыз, келер жылы 3 пайыз деңгейінде болмақ. Әлемдік экономикаға жоғары инфляция мен Украинадағы соғыс ықпал етіп отыр. Сонымен бірге ақша-несие саясатының қатаңдатылуы, екі америкалық банктың құлдырауы тәрізді факторлар да ауыр салмақ болды.