Алматыда жазушы Оспанхан Әубәкіров тұрған үйге ескерткіш тақта орнатылды

Бүгін Алматыда көрнекті жазушы, Қазақстан Жазушылар одағы сыйлығының иегері, сатирик Оспанхан Әубәкіров тұрған үйге ескерткіш тақта орнатылды.

Марқұмға тағзым етіп келген жұрттың қарасы қалың болды.

Салтанатты шараға жазушының отбасы мен ізбасарлары, сатира саласының майталмандары қатысты.

Оспанхан Әубәкіров сатиралық жанрмен бірге, балаларға арналған өлең-жыр, ертегі, пьеса жазды.

Қазақ оқырмандары үшін Әзиз Несиннің «Ахиреттен келген хаттары», Бранислав Нушичтің «Менің өмірбаяным», Лао Шэнің «Мысықтар қаласын» тәржімалады.

Дәурен ДАРИЯБЕК