Астанада қаржы сауаттылығына қатысты кітап жарық көрді

Астанада қаржы сауаттылығын арттырғысы келетіндерге арналған «Инвестиция әліппесі. Ақшаны қалай көбейтеміз?» атты кітаптың тұсаукесері өтті. Кітапта инвестициялаудың қарапайым тәсілдері, ақшаны көбейтудің, қаражатыңызды жоспарлаудың және биржалық сауданың әртүрлі құралдары басылған. Мақсат – қаржылық сауатты арттыру, дейді авторлары. Олар еңбекті жазу барысында 87 инвестициялық кітапты талдағандарын айтты.

Ерқанат Әбени, «Инвестиция әліппесі» кітабы авторларының бірі:

Қазір қор нарығы туралы ақпарат жоқ қазақ тілінде. Орысша, шетел тілінде барлық кітаптар. Содан кейін инфоцыгандар, пирамида деп жатамыз сол қаржылық сауатты көтеру үшін кітап шығардық.