Жуырда «Qazaqstan дауысы. Балалар» мегажобасының «көрмей таңдау» кезеңі басталады

«Qazaqstan дауысы. Балалар» музыкалық мегажобасының «көрмей таңдау» кезеңіне жолдама алған қатысушылардың дайындықтары басталып кетті. Қазір балаларға кәсіби мамандар вокалдан сабақ беруде. Сонымен қатар, жас дарындар музыкалық редакторлармен бірге Бэндтің сүйемелдеуімен жанды дауыста ән айтуға жаттығып жатыр.

Жоба жетекшілері әзірге қанша бала көрмей тыңдау кезеңіне жолдама алғанын құпия ұстап отыр. Қатысушыларды көрсетуге де қатаң тыйым салынған. Айта кетейік, «Qazaqstan дауысы. Балалар» жобасының екінші маусымы Ұлттық арнаның көктемгі жаңа маусымында көрермен назарына ұсынылады.

Жанерке Қабатаева, «Qazaqstan дауысы. Балалар» жобасының музыкалық редакторы:

Үлкендер мен кішкентай балалардың вокалдары бір-бірінен айырмашылығы көп. Және де бұл жерде жұмыс жасайтын мамандар, вокалдан беретін ұстаздар, музыкалық редакторлар барлықтары осы балалармен жұмыс істеудің қыр-сырын жақсы білетін мамандар. Бұл жерде бэндпен осы базада дайындық болады. Осыдан кейін сахнада тағы бір-екі күн барлық балалармен дайындық болады, одан кейін түсірілім басталады.

Асылбек Данияр