Жаңалықтарды Telegram арнамыздан оқыңыз!Мәжіліс пен барлық деңгейдегі мәслихаттар сайлауына азаматтардың өзін-өзі ұсынуы үшін қажетті жағдай жасалған. Бұл партиялық бәсекелестікті арттыруға да оң ықпал етеді. «Саяси реформалар: жүйелі өзгерістер кезеңі» атты сарапшылар форумына қатысқан Мемлекеттік кеңесші Ерлан Қарин осылай деді. Елде жүзеге асырылып жатқан саяси реформалар сайлау мәдениетін қалыптастырып, азаматтық белсенділіктің нығаюына өз септігін тигізіп жатыр. Бұдан бөлек, Мемлекеттік кеңесші қазіргі науқан саяси трансформацияның негізгі элементтерінің бірі екенін атап өтті. Спикерлердің пікірінше, бұл саяси дода мемлекеттік институттарды жаңғырту кезеңіне дөп келіп тұр.
Талғат Қалиев, Қолданбалы этносаяси зерттеулер институтының директоры:
Бұндай талқылаулар өте маңызды. Өйткені, бұл өзі бір саяси процестің ашықтығының көрсеткішінің бірі. Өйткені, әртүрлі эксперттердің әртүрлі пікірлері болады. Реформа деген ол шетелдік тілден аударғанда форманың өзгертуі дегенді білдіреді, ол формасын өзгертеді, заңдар өзгереді. Ал, қоғамның ішкі пікірі қандай болады екен, құндылықтары қандай болады, оның бәрін өзі қоғам шешуі керек. Қоғам, интеллектуалдар, эксперттер сол үшін жиналып, сол үшін талқылау керек. Қоғамда дисскуссия деген ол ашықтықтың, демократияның бір ерекшелігі.
Асылбек Данияр
