Премьер-Министр Алматы облысына жұмыс сапары аясында кеңес өткізді

Премьер-Министр 13-ші қаңтарда Алматы облысына жұмыс сапары аясында берген тапсырмаларының орындалу мәселелері жөнінде кеңес өткізді. Орталық мемлекеттік органдар мен әкімдік басшылары Алматы агломерациясы, Қонаев қаласы, G4 City интеграцияланған қаласын және жалпы өңірді дамыту жөніндегі шаралар туралы баяндады. Сондай-ақ, кеңесте республикалық және халықаралық деңгейде де көптеген көрермен тартатын ірі мәдени-спорттық іс-шараларды ұйымдастыру және өткізу мәселелері талқыланды. Өз сөзінде Әлихан Смайылов облыс тұрғындары Қонаев пен өңірдің қарқынды дамуын күтіп отырғанын, әкімшілік рәсімдерді кешіктірмей, қажетті шешімдер қабылдау маңызды екенін атап өтті. 

Ламбриан Топузидис