Жаңалықтарды Telegram арнамыздан оқыңыз!Грекияда пойыз апатынан қаза тапқандар саны 36 адамға жетті. Тағы 66-сы жараланған. Көз жұмғандар әлі де артуы мүмкін. 6 адам жансақтау бөлімінде жатыр. Қайғылы оқиға Лариса қаласы маңында болды. 350 жолаушы мінген темір жол көлігі жүк пойызымен соқтығысқан. Апат орнында өрт тұтанып, жолаушылар пойызының алдыңғы екі вагоны толығымен өртенді. Қарама-қарсы бағытта жүйіткіп келе жатқан екі пойыздың неліктен 1 жолда қозғалғаны белгісіз. Оқиғаның себебі анықталып жатыр.
Кириакос Мицотакис, Грекия премьер-министрі:
Еліміз үшін өте ауыр күн болды. Трагедия. Құрбан болғандардың жақындарына қайғырып көңіл айтамыз. Жараланғандарға ем көрсету, мәйіттерді анықтау қажет. Апаттың себебін анықтаймыз. Бұған кепіл бере аламын. Мұндай оқиғаның қайталанбауы үшін қолдан келгеннің бәрін жасаймыз.
Арай Төлеген
