Қарағандыдағы балабақшада 2 жасар бүлдіршін күйіп қалды

Қарағандыдағы жекеменшік балабақшалардың бірінде екі жасар бала күйіп қалды. Балабақша қызметкерлері бүлдіршінді жуындырмақ болған. Алайда қараусыз қалдырған. Салдарынан баланың аяғын 2-3 дәрежелі термиялық күйік шалған. Енді ұзақ уақыт емделуі керек. Полиция осы оқиғаға қатысты қылмыстық іс қозғады.

Виктория Евтеева, баланың анасы:

Баланың аяғы толық жазылу үшін кемінде 1,5 ай кетеді. Алғашқы үш күнде күйік шалған жері жанына батқаннан қатты мазасызданып жылады. Қаншама дәрі ішіп жатыр. Оның өзі баланың ағзасына зиян ғой. Мен ақшамды төлеп, баламды қарайды деп сеніп тапсырған адамым өз ісіне жауапсыз болып шықты. Енді кінәсі үшін жазаға тартуын талап етемін.

Руслан Нұрланұлы