Президент Алматыда сейсмоаудит жүргізу жоспарын мақұлдады

Президент Қасым-Жомарт Тоқаев Алматы қаласының әкімін қабылдады. Ерболат Досаев Мемлекет басшысына шаһардың әлеуметтік-экономикалық жағдайы туралы есеп беріп, алдағы жоспарларымен бөлісті. Бұдан бөлек, қаланың 2040 жылға дейінгі жаңа Бас жоспарын әзірлеудің негізгі тәсілдері жөнінде баяндады. Оны дайындау барысында Мемлекет басшысының Алматы жұртшылығымен кездесуінде айтқан тапсырмалары ескерілген, деді әкім. Сондай-ақ Президент қаланың сейсмикалық қауіпсіздігін қамтамасыз ету бойынша ұсынылған шаралар мен сейсмоаудит жүргізу жоспарын мақұлдады. Бұл шаһардағы нысандардың құжаттарын жаңартуға мүмкіндік бермек.

Досжан Маратұлы