Атырауда жалақы төлеуден жалтарған директор сотталды

Атырауда адамдардың еңбегін қанаған алаяқ директор 3,5 жылға сотталды. Қауіпсіздік қызметіне жауапты серіктестік былтыр 58 жергілікті тұрғынды күзетші ретінде жұмысқа қабылдаған. Оларға көлік нысандарын бақылау тапсырылыпты. Алайда, екі айлап жалақысын бермеген. Осылайша директордың еңбеккерлер алдындағы қарызы 9 миллион теңгеден асып кеткен. Серіктестік директорының заңсыз әрекетіне қатысты прокуратураның араласуымен қылмыстық іс қозғалып, күдікті толықтай кінәлі деп танылды. Сот директорға жәбірленушілерге келтірілген залалды өтеуді міндеттеді.

Жандос Темірғали