Қаһраманмарашта үйінді астында 222 сағат жатқан әйел құтқарылды

Зілзаладан зардап шеккен Түркияда осындай ғажайыптар әлі күнге болып жатыр. Бүгін құтқарушылар Қахраманмараштағы үйінді астында 222 сағат бойы жатқан әйелді құтқарды. 42 жастағы Мелике Имамоглу жедел жәрдем көлігімен ауруханаға жеткізілген. Оның жағдайы белгісіз.

Ал бұған дейін 212 сағат өткенде тірі қалған ер адамның құтқарылғанын хабарлаған едік. 77 жастағы қария Адыяман қаласының тұрғыны. Сонымен бірге Хатайда бір әйел қирандылар астынан аман-есен шығарылды. Қазір келіп түскен ақпаратқа сай, 226 сағат өткенде Қахраманмарашта тағы бір әйел аман-есен құтқарылған.

Арай Төлегенқызы