Жаңалықтарды Telegram арнамыздан оқыңыз!Алматыда 70-ден аса ата-ана балаларын ҰБТ-ға даярлау курсына жаздырамыз деп миллиондаған қаржысынан қағылды. 22 жастағы күдікті өзін тестілеуге даярлайтын орталықтықтың директоры ретінде таныстырған. Біраз ата-анамен келісімшарт жасасқан. Кейін жалған келісімге сәйкес әрқайсысынан 238 мың теңгеден жинап алған. Тіпті ұл-қыздарыңыз тестілеуден өтпей қалса ақшаңызды қайтарып беремін деп уәде еткен. Алайда ақшаны алып із-түссіз жоғалады. Қазір аталған дерек бойынша сотқа дейінгі тергеу басталды.
Салтанат Әзірбек, қалалық ПД ресми өкілі:
Аталған дерек ҚР ҚК-нің 190-бабы 3-бөлігі бойынша сотқа дейінгі тергеудің бірыңғай тізіліміне тіркелді. Тергеудің қазіргі сатысында қылмыстық іс бойынша 76 жәбірленуші бар. Күдікті ұсталды және қамауда отыр.
