Алматыда Гүлфайрус Исмаилованың жеке көрмесі ашылды

Биыл көрнекті қылқалам шебері, Қазақ КСР-нің халық суретшісі Гүлфайрус Исмаилованың туғанына - 85 жыл. Осыған орай Алматыдағы Әбілхан Қастеев атындағы мемлекеттік өнер мұражайында суретшінің жеке көрмесі ашылды.

Көрмеге шебердің қондырғылы кескіндеме және театр кескіндемесі бағытындағы картиналары қойылды. Портрет пен натюрморт жанрындағы туындылары да көпшілік назарына ұсынылды.

Гүлфайрус Мансұрқызы бейнелеу өнерінің дамуына үлкен үлес қосты. Артына сан алуан көркемдік мұра қалдырды.  Қылқалам шеберінің Қыз Жібек рөліндегі Күләш Байсейітова, Ақтоқты рөліндегі Шолпан Жандарбекова және «Қазақ вальсі» картинасындағы Шара Жиенқұлованың портреттері қазақ сурет өнерінің классикасына айналды.

Аманкелді СЕЙІТХАН