Қазақстандықтардың басым бөлігі елдегі ахуалды оң бағалайды

Қазақстандықтардың 79,3 пайызы елдегі ахуалды қолайлы деп санайды. Бұл – Қазақстандық қоғамдық даму институтының жүргізген сауалнамасының нәтижесі. Экономикалық жағдайға да оң баға бергендер көп. Респонденттердің 72,9 пайызы ел экономикасының қазіргі ахуалын жақсы деп бағалаған. Сауалнамаға қатысқандардың 83,6 пайызы өз өміріне көңілі толатынын айтқан. Ал респонденттердің 69,1 пайызы отбасы табысы сақталғанын немесе артқанын мәлімдеген. Азаматтардың 49,5 пайызы соңғы бір жылда өмірі мен отбасының әл-ауқаты жақсарғанын айтқан. Бұл көрсеткіш әсіресе жастар арасында жоғары. 18-28 жастағылардың 57,7 пайызы, ал 29-45 жастағылардың 50,6 пайызы өмірлерінде оң өзгеріс болғанын атап өткен.