Әлемде мұнай қымбаттап барады

Мұнай бағасы дүйсенбіден бері өсіп жатыр. Brent маркасының құны 110 долларға жуықтады. Қазір қайта 107 долларға саудаланып жатыр. «Ви-Ти-Ай» -дің баррелінің құны 102 доллар. Энергетикалық шикізаттың қымбаттауына әсер етіп отырған негізгі фактор – Таяу Шығыста қақтығыстың ушыға түсуі.

Ормұз бұғазында кемелерге жасалған шабуыл нарыққа қысымды көбейтті. Бұл бағыт бойынша кеме қатынасы айтарлықтай азайған. Бұған қоса Сауд Арабиясының Шығыс-Батыс мұнай құбыры дрондар шабуылынан кейін  жабылды. Бұл бағыт корольдікке Ормұз бұғазын айналып өтіп, мұнай экспорттауға мүмкіндік береді. Қазіргі жағдайда Саудияның экспортқа арналған мұнай қоры тек бір аптаға жетуі мүмкін. Құбыр ашылмаса, әлем нарығы өзіне қажетті мұнайдың 4 пайызынан айырылады. Оның үстіне Парсы шығанағының араб елдері мен  Иран арасында Ормұз бұғазында кеме қатынасын реттеуге арналған келіссөз кейінге қалдырылды.

Тим Экснер, сарапшы:

«Шығыс – Батыс» құбыры жабылып, хуситтер Йеменнің оңтүстігіндегі бұғазды бұғаттағаннан кейін трейдерлер мұнай тасымалдау мәселесіне алаңдаулы. Энергетикалық шикізат күрт қымбаттады. Өңірдің мұнай секторына оның салдары қалай болатыны белгісіз.

Тим Экснер, сарапшы:

Бағаның күрт өсуі нарықта инфляцияның өсуіне қатысты алаңдаушылықты күшейтіп отыр. Бұл мәселе негізгі пайыздық мөлшерлемелермен тығыз байланысты. Инвесторлар әлемдегі орталық банктер бұл көрсеткішті жоғарылатуға мәжбүр болады деп алаңдайды.