Көктемгі егіс жұмыстарын қаржыландыру үшін өтінім қабылдау басталды

Көктемгі егіс жұмыстарын қаржыландыру үшін өтінім қабылдау басталды. Биыл науқанға республикалық бюджеттен 140 миллиард теңге бөлінген. Қаржы 70 миллиардтан екі траншпен аударылмақ. Жер жыртып, егін егуге қажетті ақшаны фермерлер Аграрлық несие корпорациясынан ала алады. Жылдық мөлшерлеме 5 пайыз. Ал егер кепілге қоятын мүлік болса, 1,5 процент. Ауыл шаруашылығы министрлігі кемі 2 миллион гектар егіс алқабын арзан несиелеумен қамтуды жоспарлап отыр. 

Досжан Маратұлы