Жетісу облысында қарлы бораннан жолда қалғандар құтқарылды

Жетісу облысында соңғы тәуліктерде жолда қалған ондаған адам құтқарылды.

Ауа-райын елемей сапарлағандардың басым бөлігі Үшарал-Достық тас жолында көмек сұраған. Республикалық маңызы бар жолдың ең қауіпті учаскесі – Ырғайтыдан екі күнде 7 көліктегі 16 адам құтқарушылардың арқасында қауіпсіз жерге жеткізілді. Айта кету керек, бұл жерде желдің жылдамдығы секундына 30 метрге дейін жетіп, бораған қардан түк көрінбей қалады. Ал тұрып қалған көлікті санаулы секундтарда қар көміп тастайды.

Құзырлы органдардан смс-хабарлама түсіп, жолдың жабылып жатқаны ескертіліп жатса да өңір тұрғындары елемей жолға шығады. Бұдан былай ескерту беріліп, жолаушылар мен жүргізушілер сапарға шығатын болса, айыппұл салынады, дейді сала мамандары.