Қаржы пирамидасы: Ақтөбеде 764 адамды алдағандарға сот үкімі шықты

Ақтөбеде 764 адамды сан соқтырып кеткен қаржы ұйымына қатысты сот үкімі жарияланды.

«Выгодный депозит» деп аталған компания өкілдері 2 жыл бойы жүздеген тұрғынды алдап кеткен. Олардың «оңай олжаға кенелесіндер» деген жарнамасына сенген кейбір адамдар, 150 мыңнан бастап 40 миллион теңгеге дейін жоғалтқан. Жәбірленушілердің арасында үш облыстың тұрғындары бар. Ал жалпы шығын көлемі 4 миллиард теңге. Істі болғандар «Қаржы пирамидасын құру», «Қылмыстық ұйым құру» секілді баптар бойынша жауап берді. Нәтижесінде, 6 адам 8 жылдан 10 жылға дейін бас бостандығынан айырылды. Сондай-ақ, олар тұрғындардың қаржысын толық көлемде қайтаруы тиіс.