АҚШ-тың Калифорния штатында нөсерлі жауын басылмай жатыр

АҚШ-тың Калифорния штатында дүлей дауыл, нөсерлі жауын басылмай жатыр. Табиғи апаттан 14 адам қаза тапты. Дүйсенбіден бері мұнда төтенше жағдай жарияланған.

Мұндай ауа райы 33 млн адамға қауіп төндіріп тұр. Желдің жылдамдығы кей өңірлерде сағатына 64 шақырымға жеткен. Электр бағаналары құлап, 220 мыңдай үй мен басқа да ғимарат жарықсыз қалды.

Штаттың кей бөліктерінде 20 сантиметр жауын жауған. Ауа-райын бақылаушылардың болжамынша, циклон күшейеді. Өзендер арнасынан тасып, тасқын күшейіп, лай көшіп, сел жүруі мүмкін екені ескертілді. 

Арай Төлеген