Жаңалықтарды Telegram арнамыздан оқыңыз!Перудің оңтүстігінде үкіметке қарсы шерулер кезінде 12 адам қаза тапты. Мұны облыстың денсаулық сақтау министрі мәлімдеді. Марқұмдардың арасында екі жасөспірім бар.
Наразылық акциясы өткен айдан бері тыйылмай жатыр. Содан бері қаза тапқандардың саны 34-ке жеткен. Демонстранттардың басты талабы - ерте сайлау өткізу, экс-президент Педро Кастиллоны бостандыққа шығару.
Бұған қоса олар Конгресті жауып, конституцияға өзгеріс енгізуді де сұрап отыр. Полиция шеруге қатысушыларды тарату үшін оқ атқан.
Шеруге қатысушы:
Полиция қызметкері қасыма келіп, тізерлеп отыр дегенде, мен қолыма камера ұстап тұрғам. Сосын мен оқ атылғанын естіп, жүре алмай қалдым. Әрең дегенде 4 қадам жасап, жерге құладым.
Арай Төлеген
