Жаңалықтарды Telegram арнамыздан оқыңыз!Маңғыстау облысынан Парламент Сенатының депутаттығына 3 үміткер тіркелді. Қазір олар үгіт-насихат жұмыстарын жүргізіп жатыр. Өңірдегі сайлау комиссиясы алдағы саяси науқанға толық дайын.
Сайлау күні барлық деңгейдегі мәслихат депутаттарының бірлескен мәжілісі өтеді. Содан соң 127 депутат дауыс беріп, таңдау жасайды. Жалпы Сенат депутаты болуға аймақтан 7 адам ниет білдірген. Бірақ құжаттарын толық тапсырмай, сайлау жарнасын төлемегендер тізімнен шығып қалды.
Тіркелген кандидаттардың екеуі мемлекеттік қызметкер, біреуі кәсіпкер.
Жармағанбет Айтуаров, облыстық Сайлау комиссиясы төрағасының орынбасары:
Кәдімгі сайлаудағыдай осы жерден бюллетеньдерін алып, дауыс береді мына жабық кабинада. 100 пайыз дайынбыз деп айтуға толық мүмкіндік бар. Барлық біздің сайлау процесі ашық. Бақылаушы да, БАҚ өкілдері, сайлауға түсіп жатқан үміткерлердің сенімді өкілдері де қатысуға толық мүмкіндігі бар.
Аягөз Оралбай
