Жаңалықтарды Telegram арнамыздан оқыңыз!Ұлытау облысынан Парламент Сенаты депутаттығына 3 үміткер тіркелген. Олардың біреуі оқытушы, қалған екеуі автомобиль және өндірісті ұйымдастыру мамандықтарын игерген.
Аумақтық сайлау комиссиясы мәліметі бойынша, бастапқыда кандидаттыққа 7 адам өтініш берген. Бірақ кейін біреуі өз өтініші бойынша үміткерліктен бас тартса, енді 3-еуі тіркеу үшін қажетті құжаттарды толық ұсынбаған. Сенат депутаттарын жергілікті мәслихат депутаттары сайлайды.
Құсайын Жанаев, облыстық сайлау комиссиясы төрағасының орынбасары:
Сайлау өткізуге дайындық қызу жүріп жатыр. 13 қаңтар күні біз дайын отырамыз. Ұлытау облысы бойынша қазіргі таңда 69 депутат бар. Олар сайлауға қатысып, өз таңдауларын жасайды.
Руслан Нұрланұлы
