Бартоғай су қоймасында қар астында қалып қойған адамдар эвакуацияланды

Бартоғай су қоймасы маңында қар құрсауында қалған 16 автокөлік пен 12 адам эвакуацияланды. Құтқару жұмыстарын Батан тас жолына жетер жолдағы қар көшкіні қиындатқан.

Адамдарды қауіпсіз жерге көшіруге жергілікті атқарушы органдар мен еріктілерден құралған 85 адам жұмылдырылды. 38 арнайы техника тартылған. Төтенше жағдайлар министрлігінің хабарлауынша,  құтқарылғандар Түрген эко-постында ұйымдастырылған жедел штабқа жеткізілген.

Сәбит Әлдебай