Басты Жаңалықтар Қарағанды облысында жолда қалған 200 адам құтқарылды

Қарағанды облысында жолда қалған 200 адам құтқарылды

04.01.2023 13:00

Қарағанды облысында қар құрсауында қалған 200 адам құтқарылды. Оның 43-і бала. Өткен түнде аймақтағы жолдарда 80 жеңіл көлік тұрып қалған. Абырой болғанда, құтқарушылар дер кезінде жетіп, далада қалған жолаушыларды түгелдей қауіпсіз жерге апарды.

Зардап шеккендер жоқ. Ал Ақтау елді-мекеніндегі үш жүкті келіншек Теміртаудағы перзентханаға жеткізілген. Кеше басталған ат құлағы көрінбейтін ақтүтек боран әлі де сейілер емес. Қазір барлық бағыттағы жолдар жабық.

Нұржан Жақатаев, облыстық Төтенше жағдайлар департаментінің басқарма басшысы:

Қарағанды облысының аумағында дауылды ескерту жарияланды. Қазіргі уақытта ауа-райы жағдайының нашарлауына байланысты қар, бұрқасын, екпінді жел, көрінудің шектелуінен республикалық маңызы бар тас жолдардың 10 учаскесінде көлік қозғалысы жабылды. Автожолдардың жабық учаскелерінде бекеттер ұйымдастырылды.

Руслан Нұрланұлы

Бөлісу