Қарағандыда екі автобус соқтығысты

Қарағандыда екі автобус соқтығысып, жолаушылар зардап шекті. Қоғамдық көліктің екеуінің де терезелері сынып, шанақтары айтарлықтай зақымданған. Ал жолаушылардың кейбірі жеңіл жарақат алған. Бірақ ауруханаға түскендер жоқ. Жол ережесін өрескел бұзған 46 жастағы жүргізуші әкімшілік жауапкершілікке тартылды.

Осыдан тура бір ай бұрын екі автобус соқтығысып, жүргізушілердің бірі қайтыс болып, 18 жолаушы жарақаттанған еді. Алған ауыр жарақаттан 19 жастағы қыз ауруханада көз жұмды.

Руслан Нұрланұлы