Жаңалықтарды Telegram арнамыздан оқыңыз!Ақтөбеде арық-атыздарды тазалау жұмыстары басталды. Жергілікті билік су тасқынының алдын алуға осы бастан қамданып жатыр. Себебі, өткен жылы көктемде қарғын су көшелерге дейін жайылып кеткен еді.
Қазір Сазды, Жіңішке, Тамды және Бұтақ өзендерінің жағалауын қалың қамыс пен қаулап өскен шөптен тазалау жүріп жатыр. Қала аумағындағы арықтарды алдағы 10 күн ішінде қалдық-қоқыс пен арамшөптен толық тазарту жоспарланған
Жангелді Әубәкіров, қала әкімінің орынбасары:
Біздің қаламызда 60 шақырымдай ливневый-канализационный стоктар бар. Соны біз бір жетінің ішінде толығымен тазартуды жоспарлап отырмыз. Күн мен түн біздің кәсіпкерлер, қосымша адамдар тазалықпен айналысып жатыр.
Жақсыбек Кемал
