Ресейде 30 мыңдай жаңа көлік қалды

Ресейлік авто дилерлердің қоймаларында 30 мыңдай ғана шетелдік көлік қалған. Елде автомобиль дефициті анық байқалады. Термір тұлпарлардың бағасы ең аз дегенде 40 пайызға өскен. Қолжетімді деп саналатыны, Ресейде шығарылатын «LADA» маркалы машина. Оның құны өткен жылы шамамен 700 мың рубль болса, қазір 3 миллион рубльден асады. Сарапшылар келесі жылы жаңа көліктердің тапшылығы мұнан да артып, 1 миллионға жетуі мүмкін,-дейді.

Максим Шишко, сарапшы:

2023 жылы жағдай түзеліп кетеді дегенге сену қиын. Бұған енді бірнеше жыл керек. Тіпті Қытай және Ресейде шығарылатын автокөліктердің бағасы аспандап кетті, қажетті құралдарды сатып алу мүмкін емес. Мәселе тек көлік жеткізу қиындап кеткенге тіреліп тұрған жоқ, азаматтардың төлем қабілеті айтарлықтай төмендеді.

Индира Бегайдар