Жаңалықтарды Telegram арнамыздан оқыңыз!
Жетісу облысының Қытаймен тауар айналымы соңғы жарты жылда 720 млн АҚШ долларына жетті. Достық станциясында транзиттік жүкті сұрыптайтын терминал салынып жатыр.
Жылына 9 млн тонна жүк сақтап, өңдейтін тағы бір ірі логистикалық кешен құрылысы басталды. Бұл туралы Талдықорғанда өткен Қазақстан мен Қытайдың өңіраралық бизнес форумында айтылды. Экономиканы еселеп, тауар айналымды нығайтуға бағытталған бас қосуға Жетісу облысы мен Шыңжаң-Ұйғыр автономиялық ауданының басшылары қатысты.
Шекаралас екі аймақ инвестициялық әлеуетін таныстырып, нақты жобаларға тоқталды. Кездесу барысында тараптар шекаралы аймақта электр қуатын өндіретін нысандар салу бойынша меморандумға қол қойды.
Ма Чженсян, «Твеа» компаниясының халықаралық қатынастар бойынша директоры:
Біз қазір Қазақстанға нақты үш бағыт бойынша жобаларымызды ұсынып отырмыз. Біріншісі 50 мегаваттық күн көзінен қуаталатын станция. Екіншісі 350 мегаватттық газ электрстанциясы. Және 500 мегеваттық жел электрстанциясы. Осы үш жобаны аяғына дейін жеткізуге бар күшімізді саламыз.
Қуаныш Қанатұлы
