Фармацевтер шығынға батып жатыр

Бүгін Тәуелсіз дәріханалар қауымдастығы мемлекеттік органдардың өкілдерімен бас қосып, дәрі-дәрмек тапшылығы, бизнесті жүргізудегі қиындықтарға қатысты бірқатар мәселелерді талқыға салды. Айтуларынша, ел аумағындағы дәріханалардың жартысын ірі желілік компаниялар құрайды. Олар шағын дәріханалардың бизнес жүргізуіне кедергі болып жатыр.

Мысалы, керекті медициналық препараттар шағын дәріханаларға уақытылы келмеуіне әсер етеді. Ал фармацевтер дәрі-дәрмекті шекті бағадан жоғары сату мүмкіндігі болмағандықтан шығынға батады. Салдарынан бұл шағын бизнестің жаппай жабылуына әкеп соғады. Тек Алматыда 50 шақты шағын дәріхана жұмысын тоқтатқан.

Талғат Омаров, Қазақстандық тәуелсіз дәріханалар қауымдастығының жетекшісі:

Олар, өйткені дәріханалардың жабылуын қалайды. Солардың орнына келіп, өздері сауда жасаса бір жағынан өндірушіден 70-80 пайыз үстіне баға қосылады. Өздерінің желілерінде бағасын төмендеу қояды да, бізді нарықтан шығарып тастағаннан кейін оны көтеріп тастайды. Одан кейін мемлекеттен субсидияны талап ететіні ол айдан анық.

Ламбриан Топузидис