Шымкентте жүргізушіні соққыға жыққандар ұсталды

Шымкентте қоғамдық көлік жүргізушісін соққыға жыққан бұзақыларға қатысты қылмыстық іс қозғалды. Әлеуметтік желілерде тараған бейнекөріністе №60 бағыттағы автобус аялдамаға тоқтаған сәтте екі жігіттің жүгіріп келіп, жүргізушіні бас-көзге қарамай ұрып жатқанын көруге болады.

Бұзақылар араша түскен кондукторды да сабап тастаған. Қалалық полиция департаменті қызметкерлері істің мән-жайын тергеп, тексеріп жатыр. Бұзақылық бабы бойынша қылмыстық іс қозғалды. Жәбірленушіге сот- медициналық сараптама тағайындалды