Президент Франция сенатының төрағасымен кездесті

Францияға ресми сапармен барған Мемлекет басшысы Эмануэль Макронмен екі жақты келіссөз жүргізген соң, Франция сенатының төрағасы Жерар Ларшемен кездесті. Сенат ғимаратының ауласында Қасым-Жомарт Тоқаевты құрмет қарауылымен қарсы алды.

Мемлекет басшысы екі мемлекет арасындағы парламентаралық байланыстарды нығайтудың маңыздылығына тоқталды. Осыған байланысты Қасым-Жомарт Тоқаев сенат спикерін Қазақстанға сапармен келуге шақырды. Ал Жерар Ларше елімізде жүргізіліп жатқан саяси және экономикалық реформаларды жоғары бағалады. Ол Қазақстан мен Франция арасындағы ынтымақтастықты дамыту үшін өзара белсенді іс-әрекет жүргізуге дайын екенін жеткізді.

Асима Нұрбайқызы