Сот жүйесін жетілдіруге арналған жұмыс тобы құрылды

Сенатта сот жүйесін жетілдіруге арналған жұмыс тобы құрылды. Онда саладағы ұлттық заңнамаға енгізілетін түзетулер және сот жүйесін реформалау бойынша жұмыс тобының ұсыныстары тыңдалды. Атап айтқанда, судьяларға күштік органдардың қысымын төмендету, қылмыстық процесте бәсекелестікті дамыту жайы бар. Сондай-ақ қамауда ұстауға балама бұлтартпау шараларын қолдану аясын кеңейтуге арналған тетіктер де ұсынылды. Мәселен, зорлық-зомбылыққа қатысы жоқ қылмыс жасағандар үшін электронды білезік тағу мәселесі көтерілді.

Мәулен Әшімбаев, ҚР Парламенті Сенатының төрағасы:
Соңғы уақытта бұл бағытта ауқымды жұмыс атқарылды. Дегенмен, шешімін таппаған мәселелер де аз емес. Қасым-Жомарт Кемелұлы Тоқаев өзінің сайлауалды бағдарламасында объективті және тәуелсіз сот әділетті мемлекеттің негізі екенін атап көрсетті.

Асылбек Данияр