Саяси науқан: 300-ге жуық байқаушы жұмыс істеген

ЕҚЫҰ Демократиялық институттар және адам құқықтары бюросының Сайлауды бақылау жөніндегі миссиясы 127 сайлау учаскесінің ашылуын қадағалады. Олар барлық учаскенің уақытында ашылғанын айтады. Олар өздері қатысқан дауыс беру процесінің 95 пайызын оң бағалады. Сайлау күні елдің әр өңірінде 300-ге жуық байқаушы жұмыс істеген.

Урсула Гачек, ЕҚЫҰ ДИАҚБ сайлауды бақылау миссиясының жетекшісі:
Біз қазан айының ортасынан бері тұрақты сарапшылармен бірге жұмыс істеп келеміз. Кейін бізге ұзақ мерзімде жұмыс істейтін байқаушылар қосылды. Олар Қазақстанның барлық аумағында орналасқан сайлау учаскелеріне барып, сайлаудың қалай өткенін бақылады. Миссияның жұмысы тек бір күнмен шектелмейді. Біз алдағы уақытта сараптама жүргізіп, нәтижесін шығарамыз.