Мемлекет басшысы Түркия Президентіне көңіл айту жеделхатын жолдады

Мемлекет басшысы Түркия Президентіне көңіл айту жеделхатын жолдады. Президент Стамбұл қаласындағы жантүршігерлік лаңкестік әрекеттің салдарынан жазықсыз адамдардың құрбан болғаны туралы хабарды терең күйзеліспен қабылдағанын жеткізді. Жеделхатта «Осындай қиын сәтте бауырлас түрік азаматтарының қайғысына шын ниетімізбен ортақтаса отырып, Cізге және жақындарынан айырылған отбасыларға Қазақстан халқының және жеке өзімнің атымнан көңіл айтамын» – деп жазылған. Қасым-Жомарт Тоқаев қаза тапқандардың жаны жәннатта болуына және зардап шеккендердің тезірек сауығып кетуіне тілектестік білдірді.

Саламат Омаш