Әлем чемпионаты кубогы Әр-Риядқа жеткізілді

Әлем чемпионатының кубогы Сауд Арабиясына жеткізілді. Осылайша оның дүниежүзілік сапары аяқталуға жақын.

Жалпы алғанда, бұл жүлде Қатардағы финалға жолдама алған барлық 32 мемлекетті қоса алғанда, 51 ел мен аумақтан өтуі керек. Оны бір кездері испан құрамасында ойнаған Давид Вилья әр-Риядта саудиялық ресми өкілдермен бірге көрермендер алдында көтерді.

Әр-Рияд – бұл кубок үшін Доһаға барар жолдағы соңғы аялдама.

Айта кетсек, жаһандық футбол матчтары Қатарда қарашаның 20-да басталып, желтоқсанның 18-де аяқталады.

Арыстан Рысбек