Қатар-2022: Футболдан Әлем чемпионатының басталуына екі апта қалды

Қатарда футболдан Әлем чемпионатының басталуына тура екі апта қалды. Турнир қарашаның 20-да әл-Хаур қаласындағы әл-Байт стадионында ашылады. Жарысқа 32 елдің ұлттық құрамалары қатысады. Футболдан әлем біріншілігі Таяу шығыс елінде алғаш рет өтпек. Дүниежүзілік теңбіл доп додасы елдің 5 қаласындағы 8 стадионда болады. Бір ай бойы өтетін шараға 1 млн 200 мыңдай жанкүйер барады деп күтіліп отыр. Матчтар кезіндегі қауіпсіздікті 50 мыңдай тәртіп сақшысы қамтамасыз етеді. Әлем біріншілігін Ұлттық арна мен Қазспорт телеарналары тікелей эфирде көрсетеді.

Арай Төлегенқызы