Ресейде арнайы жарлық шықпайынша азаматтар әрі қарай да мобилизацияға ілігуі мүмкін

Ресейде мобилизация аяқталды. Мұны елдің қорғаныс министрі Сергей Шойгудан кейін президент Владимир Путин де мәлімдеді. Дегенмен Кремль басшысы мобилизацияны тоқтату үшін жарлық қажеттігі жөнінде «ойланбағанын» мойындап отыр.

Қазанның 28-де Шойгу 300 мың резервист жинау туралы тапсырманың орындалғанын атап өтті. Содан кейін қорғаныс министрлігі Ресейде қарашаның 1-де міндетті әскери қызметке шақыру науқаны басталатынын хабарлады.

Дегенмен кейбір заңгерлердің айтуынша, Путиннің арнайы жарлығы шықпаса, азаматтар мобилизация бойынша әрі қарай да әскер қатарына тартылуы мүмкін.

Арыстан Рысбек