Үндістанның Гуджарат штатында көпірдің құлауына байланысты 9 адам тұтқындалды

Үндістанның Гуджарат штатында көпірдің құлауына байланысты 9 адам тұтқындалды. Олардың ішінде билет сатушылар мен мердігер компания өкілдері бар. «The Indian Express» газетінің хабарлауынша, «Дивали» мерекесі кезінде өзен арқылы өтетін көпірдің үстіне тым көп адам жиналған.

Сондықтан, аспалы жол ауыр салмақты көтере алмай, опырылып түссе керек. Соңғы мәліметке қарағанда, апаттан 141 адам қайтыс болды. Олардың арасында 14 жасқа дейінгі 35 бала бар. Құтқарушылар 177 адамды жағаға аман жеткізгенін хабарлап отыр.

Арыстан Рысбек