Жаңалықтарды Telegram арнамыздан оқыңыз!Жетісу облысында үш бірдей модульді фельдшерлік-акушерлік пункт ашылды. Бұл нысандардың ерекшелігі - жылдам құрастырылады. Абай, Теректі ауылдарында емдеу мекемелері бір ай көлемінде салынып бітті. Барлық құрал-жабдықпен қамтылған пункттердің жалпы құны 105 млн теңге. Тұрғындар үшін емдеу мекемесі өте қолайлы. Аудан орталығына сабылмаймыз, қажетті ем-домды осы жерден аламыз дейді олар. Абай ауылындағы 1000-ға жуық тұрғынға фельдшерлер барлық медициналық қызмет түрін көрсете алады. Келер жылы Ескелді ауданында осындай мекеме салу жоспарланған.
Армангүл Тәжібаева, ауыл тұрғыны:
Өзіміздің ауылға медпункт орнатқанына өте қуаныштымын. Енді ауданға емес, осы өзіміздің медпункт-қа алып келеміз балаларымызды. Өте ыңғайлы, ауданға жүгіріп жүрмейміз. Өте жақсы.
Қуаныш Қанатұлы
