Қасым-Жомарт Тоқаевтың сайлауалды штабы жұмысын бастады - «Qazaqstan» Ұлттық телеарнасы

Қасым-Жомарт Тоқаевтың сайлауалды штабы жұмысын бастады

22.10.2022

Бүгін Президенттікке кандидат Қасым-Жомарт Тоқаевтың Республикалық қоғамдық штабының алғашқы отырысы өтті. Оның құрамына 474 адам кірген. Арасында қоғам қайраткерлері, Халықтық коалицияға кірген барлық ұйымның өкілдері, жастар, белгілі спортшылар мен Парламент депутаттары бар.

«AMANAT» партиясының төрағасы еліміздің әр өңірінде, қалалар мен аудандарды қоса алғанда 226 штаб құрылып, оның құрамына 6 мыңнан астам адам кіргенін жеткізді. Қазіргі таңда кандидаттың 30 мың сенімді өкілі тіркеліп, сайлау күні барлық учаскелерде жұмыс істеу үшін 20 мыңға жуық байқаушы дайындалды. Жиында өңірлік қоғамдық штабтардың басшылары сөз сөйлеп, сайлауалды үгіт-насихат жұмыстарын жүргізуге дайындық барысы туралы есеп берді.

Ерлан Қошанов, «AMANAT» партиясының төрағасы:
Бүгінгі күні Республикалық қоғамдық штабтың өңірлерге шығу кестесі әзірленді. Штаб мүшелері әр өңірге барғанда 5 топқа бөлініп, халыққа үгіт-насихат жұмыстарын жүргізетін болады. Біздің басты міндетіміз – Қасым-Жомарт Кемелұлы Тоқаевтың сайлауалды бағдарламасын әр азаматқа, әр сайлаушыға жан-жақты түсіндіру, жүрегіне жеткізу.


Хабарламаларға жазылу