Елорда спортшылары Республика күніне орай патриоттық челленджді бастады

Астанада «Қыран елім – Қазақстаным!» атты ерекше акция басталды. Патриоттық челлендж Республика күніне орай ұйымдастырылған. Мемлекеттік рәміздер алаңына жиналған елордалық спортшылар «Қазақстан - Республикам менің» өлеңін жатқа оқып, эстафетаны атыраулық әріптестеріне жолдады. Челленджді еліміздің барлық қалалары мен өңірлерінде өткізу жоспарланған. Акция қазан айының соңына дейін жалғасады. Ұйымдастырушылардың айтуынша, іс-шараның басты мақсаты – патриоттық сезімді нығайту, халықтың бірлігін көрсету, еліміздің спорттағы жетістіктерін ұлықтау. Қатысушылар «Қыран елім – Қазақстаным!» акциясы алда келе жатқан мерекеге құрмет көрсетудің бір жолы екенін айтады.

Асылбек Данияр