Жаңалықтарды Telegram арнамыздан оқыңыз!Талдықорғанда ауқымды сенбілік ұйымдастырылды. Жетісу облысының орталығын тазалауға 2 мың адам жұмылдырылды. Шаһардың көшелерін, саябақтары мен ықшам аудандарынан күл-қоқысты жинауға мемлекеттік қызметшілер, оқу орындарының мұғалімдері мен студенттері, ұжымдар мен жеке кәсіпкерлер ат салысты. Сенбілікке шыққандардың барлығы құрал-сайманмен қамтамасыз етіліп, қаланың тазалығына жауапты мекемелерден 50 техника қызмет көрсетті. Жалпы шаһардан 420 тонна қоқыс жиналып, арнайы палигонға төгілді. Алдағы күндері қала саябақтарына 3 мың көшет отырғызу жоспарланған.
Қуаныш Қанатұлы
