Астанада ТМД мемлекеттер басшыларының кеңесі өтіп жатыр

Дәл қазір Астанада Тәуелсіз Мемлекеттер Достастығы елдері басшыларының кеңесі өтіп жатыр. Шараға Президент Қасым-Жомарт Тоқаев және Армения, Әзербайжан, Беларусь, Қырғызстан, Өзбекстан, Ресей, Түрікменстан және Тәжікстан басшылары қатысуда. Жиынды ашқан Мемлекет басшысы талқыға түсетін күн тәртібіндегі бірнеше тақырыпты атады. Ол гуманитарлық серіктестік, қауіпсіздік және ынтымақтастық болмақ. Ал түс ауа елордада «Орталық Азия – Ресей» саммиті өтеді деп жоспарланып отыр.