«Береке – бірлікте!»: Ашық аспан астындағы концертті 25 мың адам тамашалады

Сенбінің кешінде бас қалада «Береке – бірлікте!» атты ашық аспан астында концерт ұйымдастырылды. Шара ЭКСПО аумағында өтіп, оны 25 мыңнан астам адам тамашалады. Концертті «AMANAT» партиясы ұйымдастырған. Президент реформасын қолдау үшін, - дейді олар. 

Елнұр Бейсенбаев, ҚР Парламенті Мәжілісінің депутаты:
Бұдан былай қарай бізде мемлекет басшысы тек қана 1 мерзімге 7 жылдық уақытқа ғана сайланатын болады. Бұл үлкен саяси жаңалық.

Геннадий Шиповских, ҚР Парламенті Мәжілісінің депутаты:
Дүниеге әрбір нәресте келген кезде алдағы уақытта арнайы шот ашылып, кәмілет жасқа дейін ол баланың шоты ақшамен толатын болады. Оның барлығы біздің мемлекет басшымыздың қаншама отбасыға істеп жатқан үлкен қамқорлығы және игі ісі деп білу керек.

Нұржан Жетпісбаев, «Аmanat» партиясы «жастар рухы» жастар қанатының төрағасы:
Өздеріңіз секілді араларыңызда еліміздің Отаншыл, белсенді, мықты жастары жетерлік. Кеше ғана көргендеріңздей Қостанайдағы өрт кезінде «Жастар рухы» алғашқылардың бірі болып жетті.