СҚО-ға 500 мұғалім мен 300-дей медицина қызметкері барған

Көші-қон бағдарламасының тиянақты жүзеге асуы арқасында теріскейге 500 мұғалім мен 300-дей медицина қызметкері барған. Бүгінде олардың бәрі баспаналы болып, жұмыспен қамтылған. Бұл туралы аймаққа жұмыс сапарымен барған Премьер-Министрдің орынбасары айтты. Ералы Тоғжановтың сөзінше, осы жоба әсіресе, ауылдық жерлерде кадр тапшылығын жоюға септігін тигізіп отыр. Сондай-ақ биыл Солтүстік Қазақстан облысындағы мектеп бітірушілердің 64 пайызы өңірдегі жоғары оқу орындарын таңдаған. Түлектердің өзге қалаларға кетуі екі есе азайған. Бұл соңғы 5 жылдағы үздік көрсеткіш.