Исламиада ойындарында қазақстандық спортшылар тағы екі жүлдеге ие болды

Ел құрамасынан ауыр атлет Артем Антропов 102 келі салмақта екінші орын алды. Спорттық дода Түркияның Конья қаласында өтіп жатыр. Сондай-ақ дзюдошы Қанат Сейілхан қола жүлдегер атанды. Ал мұның алдында Әділбек Мусин 100 метр қашықтыққа баттерфляй әдісімен жүзуде үздік нәтижеге қол жеткізген. София Әубәкірова да жүлдеден құр қалмады.

Айта кетейік, Ислам ынтымақтастығы ойындары 2005 жылдан бері өткізіліп келеді. Биылғы додаға 55 елден спортшылар келді.