Елімізде машина жасау өндірісінен түсетін қаржы көлемі артқан

Биылғы 6 айдың қорытындысы бойынша машина жасау өндірісінен түсетін қаржы көлемі артқан. Бұл өткен жылмен салыстырғанда 37%-ға жоғары. Үкіметте машина жасау саласын дамыту мәселелері талқыланды. Индустрия және инфрақұрылымдық даму министрі Қайырбек Өскенбаевтың айтуынша, салаға тартылған инвестиция 23%-ға ұлғайды. Жиында отандық өндірісті қолдаудың бірқатар бағыттары бойынша сала өкілдерінің ұсыныстары тыңдалды. Сондай-ақ инвестициялық жобаларды іске асыру үшін қажетті металл өнімдерін қосарланған құн салығы әдісімен төленетін импорттық тауарлар тізбесіне қосу ұсынылды. Өнімді экспорттау кезінде де құн салығын жедел қайтаратын өңдеуші сектордағы кәсіпорындарды қамтуға басымдық беру қажеттігі айтылды.

Асылбек Данияр