Жаңалықтарды Telegram арнамыздан оқыңыз!Спортқа ешнәрсе де кедергі емес. Елордада ағзасын ауыстырған және бүйрек жетіспеушілігімен ауыратын жандар арасында жарыс өтіп жатыр. Спорттық шара Қазақстанда жасалған алғашқы трансплантацияның 10 жылдығына орай ұйымдастырылған. 11 аймақтан келген 85 адам жүзу, үстел теннисі, боулинг, волейбол және дартс бойынша өзара сынға түсіп жатыр. Спорт бәсекесі 11 тамызға дейін жалғасады. Жеңімпаздар келесі жылы Австралия елінде өтетін жарысқа қатысады.
Шолпанбек Кемешов, жарысқа қатысушы:
Барлық дене мүшелерін қимылға түседі. Қан айналу, зат алмасу процесі жоғарылайды. Ал үйде жата берсең, ауру меңдей береді, әрі қарай құрдымға кетесің. Ағзасын ауыстырға және диализде жатқан адамдарға айтарым, сіздер өмірде үміт үзбеңіздер. Сіздер де қоғамның сау мүшесі ретінде өмір сүруге мүмкіндік бар.
