Жаңалықтарды Telegram арнамыздан оқыңыз!Қытайдың Хайнань провинциясында карантин жарияланып, Санья қаласынан 80 мыңдай турист кете алмай отыр. Бұл аймақтың локдаунға жабылуына сенбі күні 470-тен астам адамнан коронавирус табылуы себеп болды. Ал аралдан шығамын деген адам бір аптада бес рет ковидке байланысты тест тапсырып, теріс нәтиже көрсетуі керек.
Жалпы алғанда, соңғы тәулікте Қытай аумағында 760 адамнан коронавирус анықталған. Коммунистік үкімет экономикалық және әлеуметтік шығындарға қарамастан, ковид жұқтыру деңгейін мүлде азайту саясатын жүргізіп жатыр. Оның аясында биыл кейбір ірі қалалар ондаған миллион тұрғынымен карантинге жабылып, бірнеше аптадан кейін қайта ашылды.
Арыстан Рысбек
